د ریاست الوزرا اقتصادي معاونیت وايي، دغه تفاهم لیک د افغان ګاز او ترکمن ګاز شرکتونو ترمنځ د ریاستالوزرا اقتصادي مرستیال، ملا عبدالغني برادر او د ترکمنستان د ملي رهبر، قربان قلي بردي محمدوف په حضور کې لاسلیک شوې.
ملا عبدالغني برادر په دې اړه جوړې شوې ناستې کې د خبرو پرمهال د ترکمنستان له ملي رهبر سره د ټاپي پروژې د وروستیو پرمختګونو او راتلونکو فعالیتونو په اړه هم خبرې کړې.
په دې ناسته کې د پروژې د عملي چارو او ترسره شویو اقداماتو ترڅنګ، د چارو پر لا چټکتیا او د راتلونکو فعالیتونو پر دوام ټینګار شوی.
د ریاست الوزرا له اقتصادي معاونیت خپره شوې خبرپاڼه کې راغلي چې دواړو لورو ټاپي پروژه د افغانستان، ترکمنستان، پاکستان او هند لپاره مهمه سیمهییزه اقتصادي او انرژي لېږدونکې پروژه بللې او ویلي یې دي چې د دې پروژې په بشپړېدو سره به د سیمهییزې سوداګرۍ او اقتصادي همکاریو پراختیا ته زمینه برابره شي او افغانستان ته به د ټرانزیټي عوایدو او انرژۍ په برخه کې نوي فرصتونه برابر کړي.
د سرچینې په خبره، د هرات ولایت په تورغونډۍ بندر کې د افغان ګاز امارتي شرکت او ترکمن ګاز ترکمني شرکت ترمنځ د ټاپي پروژې د ګازو پېرلو تفاهمنامې له لاسلیک سره به د ګازو قېمت، د ګازو د اړتیا کچې معلومولو او دغه راز د ګازو وېش پروسه مشخصه شي.
