Skip to content
د افغانستان لپاره د امریکا متحده ایالتو بهرنیو چارو وزارت ځانګړي استازي توماس وېسټ ازبکستان ته خپل سفر مثبت یاد کړی دی.
وېسټ پر خپله ټویټر پاڼه لیکلي، ازبکستان هېواد له افغانانو د ملاتړ په برخه کې مهم رول لوبولای شي.
ویسټ زیاته کړې،چې ازبکستان دې ته لېواله دی،چې له افغان حکومت سره د بشر حقونو، ترهګرۍ پر وړاندې مبارزې او د سیمې د ټيکاو په برخه کې همکاري وکړي.
دغه راز وېسټ ویلي، له برښنا سربیره نورې مهمې سوداګریزې اړیکې د دې لامل شوي، چې افغانستان او ازبکستان له یو بل سره نږدې اړیکې ولري.
دغه امریکايي چارواکي ډاډ ورکړی دی،چې د افغانستان په قضیه کې به یې له ازبکستان سره ګډ کار او همکاري دوامداره وي.
