په غزني کې پر واکسیناتورانو موټرسایکلونه ووېشل شول

په غزني ولایت کې روغتیايي مسوولین وايي، واکسیناتورانو ته یې د کار د اسانتیا لپاره موټرسایکلونه ورکړي دي.

دوی وايي، دغه مرسته د  ملګرو ملتونو د ماشومانو ملاتړ صندوق یا یونېسف له لوري شوې ده.

یونیسف د غزني ولایت په ۱۸ ولسوالیو کې پر واکسیناتورانو موټرسایکلونه وېشلي دي.

غزني کې چارواکو د دغو موټرسایکلونو شمیر ۱۳۳ یاد کړی دی.

روغتیايي مسوولین وايي،هڅه یې دا ده،چې د واکسیناتورانو ژوند خوندي او کار ته یې اسانتیاوې رامنځته شي.