ایران افغانستان کې د خپل سفارت او کونسلګریو امنیت په اړه اندېښنه څرګنده کړې 

د ایران بهرنیو چارو وزیر حسین امیر عبداللهیان د اسلامي امارت د بهرنیو چارو وزارت له سرپرست  مولوي امیرخان متقي سره په تلیفوني خبرو کې ویلي، په کابل او ولایتونو کې یې سفارت او کونسلګریو کې یې  امنیت ته احتمالي ګواښ موجود دی.

هغه له  متقي غوښتي  دي،چې افغانستان کې د دوی د ډيپلوماټیکو مرکزونو  امنیت ته ډېره پاملرنه وکړي. 

په دغو ټلیفوني خبرو کې امیرخان متقي هم ویلي، ځینې مغرضې کړۍ د کابل او تهران ترمنځ د اړیکو ترینګوالی غواړي او ډاډ یې ورکړی،چې افغان امنیتي ځواکونه به د ایران د ټولو ډیپلوماټیکو مرکزونو  امنیت په بشپړه توګه ونیسي.