مټه نوډسن د افغان خبریالانو هڅې او خبري فعالیت لویه زړورتیا یاده کړه او له اسلامي امارته یې وغوښتل،چې رسنیو او خبریالانو ته مناسب کاري چاپیریال رامنځته کړي او د دوو لسیزو لاسته راوړنې خوندې کړي.
دغه راز نوډسن پر نړیوالې ټولنې هم غږ وکړ،چې د افغان خبریالانو ملاتړته دوام ورکړي.
هغې زیاته کړه:« ما او د یوناما مشرتابه د افغانستان اوسنیو واکمنانو سره ناستې لرلي دي او له هغوی مو غوښتي،چې د آزادو مطبوعاتو لپاره دې مناسب شرایط رامنځته شي،ځکه زه غواړم ټینګار وکړم،چې د بیان آزادي یو مهم بحث دی،چې هېڅ ډول معامله او جوړ جاړی پرې نه کیږي.»
ناسته کې د افغان خبریالانو او رسنیو په استازولۍ لیکوال او ژورنالست خپلواک ساپي وویل، د اسلامي امارت لخوا څو محدودې لارښوونې د رسنیو لارښوونې نشي کېدلی او اړتیا ده، چې یو مدون قانون جوړ شي.
