Skip to content
یوې باوري سرچینې شمشاد ته ویلي،د جلال اباد ښار درېیمې حوزې اړوند سیمه کې پرون شپه نامالومه وسله والو کې د نور محمد ملکزي په نوم یو ډاکټر پر ډزو وژلی او د هغه واوره یې ټپي کړی دی.
د سرچینې په خبره، ملکزی له خپل وراره سره په موټر کې د کور پر لور روان وو، چې نامالومه کسانو پرې ډزې کړي دي.
سرچینه زیاتوي، یاد ډاکټر د کونړ ولایت اوسېدونکی دی،چې له اوږدې مودې راهیسې یې د ننګرهار پوهنتون تدریسي روغتون په جراحي څانګه کې دنده ترسره کوله.
د دغې پېښې په تړاو تر اوسه پورې د ننګرهار ځایي امنیتي مسوولینو رسنیو ته څه نه دي ویلي.
ننګرهار کې په تېرو څو ورځو کې دا دویمه پېښه ده،چې له نامالومو وسله والو له لوري داسې کسان وژل کېږي.
وروستیو دوه امنیتي پېښو ولس ته اندېښنه پېدا کړې،چې په ننګرهار کې بیا د هدفي بریدونو لړۍ پراخېدوونکې ده.
دوی پر مسولینو غږ کوي،چې څومره ژر کېږي، باید د دغه وضعیت مخه ونیول شي.
