سور صلیب نړیواله کمېټه: د افغانانو د ملاتړ لپاره روانې هڅې بايد لا چټکې شي

په افغانستان کې د سره صلیب نړیوالې کمېټې مشر ایلوي فیلیون په دغه هېواد کې ورځ تر بلې ډېرېدونکې بېوزلۍ او اقتصادي ناورین پر پراختيا د اندېښنې په څرګندولو سره ويلي، یادو عواملو د ماشومانو وضعيت ډېر خراب کړی دی.

فیلیون ویلي، د افغان کارګرو ماشومانو شمېر ورځ تر بلې په زیاتېدو دی.

هغه زیاته کړې، هره ورځ داسې ماشومان پر کارونو اخته ويني،چې ټول بايد په ښوونځيو کې وي او زده کړې وکړي. 

دغه راز هغه ویلي، په افغانستان کې د روان وضعیت د بدلون لپاره باید نړیوال دغه هېواد ته جدي پام وکړي او خپلې مرستې لا چټکې کړي.