Skip to content
راپورونه وايي، ترکیې د یکشبنې پر ورځ د «۱۴۰۱ کال د غويي پر ۴ مه» شااوخوا ۲۲۷ هغه افغان کډوال،چې په غیرقانوني توګه ترکیې ته تللي ول، بېرته افغانستان را استولي دي.
دغه افغان کډوال د یوې لنډې مودې لپاره د ډیپورټ په موخه په یوه کمپ کې هم ساتل شوي وو.
راپورونه وايي،راستول شوي کډوال په یوه چارتر الوتکه کې د ترکیې له مالاتیا ولایت راغلي دي.
تر دې دمه له دغه ولایته څه کم ۷۰۰ کډوال بېرته افغانستان ته را استول شوي دي.
ترکیه کې اوس مهال د افغانستان او سوریې سلګونه زره کډوال اوسیږي،چې تازه د اوکراین له جګړې تښتیدلي هم په کې ور زیات شوي دي.
د مالوماتو له مخې،په ترکیه کې ۴ میلیونه کډوال اوسیږي او ډېرې په دې اراده هم ورغلي چې اروپا ته ترې واوړي.
