Skip to content
د ننګرهار مرکز جلال اباد ښار اړوند په اوومه ناحیه کې پرون شپه ناوخته یو ماشوم د طالبانو له لوري په ډزو وژل شوی دی.
ویل کېږي، دغه پېښه هغه مهال رامنځته شوه،چې ریکشا چلوونکی چک پوینټ ته ونه درېد او سرتیرو پرې ډزې وکړې،چې له امله یې دغه ماشوم ووژل شو.
د یادې پېښې په اړه د ننګرهار امنیتي مسوولینو تر اوسه پورې څه نه دي ویلي، دغه ماشوم چېرته او ولې وژل شوی دی.
جلال اباد ښار کې دغه ماشوم داسې مهال وژل کیږي،چې پرون په کابل کې هم د افغان جاپان روغتون یو ډاکټر د اسلامي امارت ځواکونو له لوري ویشتل شوی او ټپي دی.
