امریکا په افغانستان کې د ثبات لپاره له پاکستان سره کډ کار کوي

د امریکا بهرنیو چارو وزارت ویاند نیډ پرایس وايي، دوی له پاکستان سره تاریخي اړیکې او پخه ملګرتیا لري او د افغانستان د ثبات لپاره به له دې هېواد سره ګډ کار وکړي.

نیډ پرایس ویلي، واشنګټن له اسلام اباد سره دا مهال له نږدې کار کوي څو په افغانستان کې دایمي ثبات راولي او پر نوي حکومت د افغانانو د لومړنیو او اساسي حقونو د منلو لپاره ګډې هڅې وکړي.

امریکا داسې مهال دغه څرګندونې کوي چې پر افغان خاوره د پاکستاني جېټ الوتکو له بمبار وروسته د پاکستان او افغانستان اړیکې ترینګلې شوې دي.