په بلخ کې  زرګونه بوتله شراب نیول شوي 

د بلخ امنیه قومانداني وایي، د مزار شریف ښار په نهمه حوزې اړوند سیمه کې  دغه ۱۰ زره او ۴۰۰  بوتله شراب نیولي دي.

 د یادې قوماندانۍ ویاند محمد اصف وزیري وایي، نیول شوي شراب یې د نشه یي توکو پر وړاندې دمبارزې مدیریت ته سپارلي دي.

وزیري زیاته کړه،چې  د یادو نشه یي توکو ارزښت  تر یو میلیون افغانیو پورې رسېږي.

امنیه قومندانۍ د دغه نشه یي توکو په تړاو د چا د نیول کېدو په تړاو تر اوسه پورې څه نه دي ویلي.