Skip to content
په کابل کې د پاسپورټ ریاست مسوولین وايي، هیوادوال کولای شي،تر دې وروسته ۲۴ ساعته د پاسپورټ لپاره نوملیکنه وکړي.
دوی وايي،د پاسپورټ ریاست وېبپاڼه به د ورځې تر دوه زرو انلاين غوښتنليکونو منلو ظرفیت ولري.
دغه راز دوی وايي، دغو غوښتنلیکونو ته به په اتومات ډول ټاکلې نیټه ورکول کیږي او بیا به د پاسپورټ غوښتونکي په هماغه نیټه پاسپورټ ریاست ته ورځي.
د اسلامي امارت له راتګ سره په تیرو څه باندې اووه میاشتو کې د پاسپورټ ریاست څو ځله خپل کارونه وځنډول او بیا یې پیل کړل.
پاسپورټ ریاست تر ډېره د دغه ځنډ لامل تخنیکي ستونزې یادوي.
