Skip to content
په سوېل پکتیا ولایت کې د دوشنبې پر ورځ د « ۱۴۰۱ کال د وري پر ۱۵ مه» د بلیک برن موسیسې له لوري مرکز ګردیز ، احمد ابا او زرمت ولسوالیو کې پر ۲۶۰۰ اړمنو کورنیو خوراکي توکي ووېشل شول.
د دغې موسیسې له لوري له بې وزله کورنیو سره شوې مرسته کې اوړه ،غوړي، لوبیا، چای او بوره شامل دي او خلک د دا ډول مرستو پر دوام ټینګار کوي .
د پکتیا یو تن اوسېدونکی وايي:« موږ له دغې موسیسې مننه کوو،چې له موږ سره یې مرسته وکړه. غوښتنه مو ترې دا ده،چې له موږ بې وزلو سره دې دا ډول مرستو ته دوام ورکړي.»
د پکیتا یو بل اوسېدونکی بیا وايي:« د دې کلي خلک ډېر بې وزله دي،ټول جګړو ځپلي، هېڅ نه لري. زموږ هېله دا ده،چې راتلونکې کې هم له موږ سره مرسته وشي.»
د بلیک برن موسیسې له لوري د خوراکي توکه دغه مرسته تر ډېره له هغو بې وزله کورنیو سره شوې،چې تیرو کلونو کې یې سیمې جګړو ځپلي دي .
د دغو کورنیو غړي وایي،جګړو ترې هر څه اخېستي او د ژوندي پاتې کیدو لپاره باید ورسره په ورته ډول مرستې وشي.
د پکتیا یوتن اوسېدونکی وايي:« موږ هر څه ته اړتیا لرو،ټول بې وزله دي، کورونو کې کونډې یتیمان دي. موږ ټول هر ډول خوراکي توکو ته اړتیا لرو.»
د پکتیا یو بل اوسېدونکی بیا داسې وايي:« له موږ بې وزلو سره باید راتلونکې کې هم مرستې وشي. موږ هېڅ نه لرو. هېله ده،چې هېر نه شو.»
د بلیک برن موسیسې مسوولین د خپلو مرستو د دوام ډاډ ورکوي او وایي، نږدې راتلونکې کې به په ورته ډول پر بې وزله کورنیو نورې مرستې هم وویشل شي.
