د ا فغانستان اسلامي امارت مرستیال ویاند بلال کریمي وايي،د چین ناسته به وشي کولای، چې له نړۍ او سیمې هېوادونو سره د افغانستان ډیپلوماتیکې او اقتصادې اړیکې پیاوړې کړي او پایلې به یې هم مثبتې وي.
کریمي زیاتوي:« د اسلامي امارت غوښتنې او داعیه به دا وي،چې له افغانانو سره او له اسلامي امارت سره د ډیپلوماتیکو روابطو د پياوړتیا په برخه کې،همدا راز د اقتصادي، تجارتي او نورو برخو کې پرمختګونه رامنځ ته شي او یو ملموسه پایله رامنځ ته شي.»
د سیاسي چارو یو شمېر کارپوهان وايي،چین د سیمې او نړۍ پر کچه ستر اقتصادي هېواد دی او په افغانستان کې د پانګونې لپاره لېوالتیا هم لري او دغه ناسته به د دواړو هېوادونو لپاره ګټې ولري.
د دوی په باور بېجینګ به وتوانیږي،چې، نورو هېوادونو ته د افغانستان د حکومت د رسمیت لپاره قناعت ورکړي.
د سیاسي چارو کارپوه سرور نیازی وايي:« د چین دغه ناسته د افغانستان لپاره ډېره مهمه او ګټوره ده. چین یو ستراقتصادي هېواد دی او په افغانستان کې زیاتې اقتصادي موخې لري،چې هم د افغانستان پر ګټه دي او هم د چین پر ګټه،هېله داده،چې په دغه ناسته کې چین وکولای شي،چې نورو هېوادونو ته قناعت ورکړي،ترڅو د افغانستان حکومت پر رسمیت وپیژني او خپلې بشري مرستې له سره پیل کړي.»
خو ځینې بیا په دې باور دي،چې دغې ناستې ته اروپايي هېوادونه،چې په بشري او اقتصادي برخو کې د افغانستان ستر مرستندویه ډونران دي، نه دي وربلل شوي او یوازې داسې هېوادونو ته بلنه ورکړل شوې،چې هغه له افغانانو سره د سترې مرستې مخینه نه لري.
د سیاسي چارو کارپوه طارق فرهادي وايي:«چین ناسته دنړیوال سیاسي اقلیم تر سیوري لاندې دایريږي دغې ناستې ته قطریان او اندونیزییان را دعوت شوي دي او اروپآيان نه دي رابلل شوي په داسې حال کې چې اروپاده چې دافغانستان ستره ډونره ده.
