د کندهار پولیسو له روزنیز مرکزه ۵۰۰ سرتیري فارغ شول

د افغانستان اسلامي امارت کورنیو چارو وزارت له لوري د یکشنبې پر ورځ د «۱۴۰۱ کال د وري پر ۷ مه» په خپره شوې خبرپاڼه کې راغلي،چې د کندهار د پولیسو له روزنیز مرکزه په دویمه دوره کې ۵۰۰ سرتېري فارغ شوي. 

خبر پاڼه کې وړاندې راغلي،دغو پولیسو ته  شپږ میاشتې زده کړې ورکړل شوي دي.

دغه راز په خبرپاڼه کې ویل شوي،چې د هېواد په ډېری ولایتونو کې زرګونه سرتېري له زده کړو فارغ او پر دندو ګومارل شوي دي.

کورنیو چارو وزارت وایي، ډېر ژر به د هېواد پولیسو ته رسمي لباس هم ورکړل شي.

له اوومیاشتو تیریدو بیا هم کابل او ټول افغانستان کې د اسلامي امارت ځواکونو یو منظم یونیفورم پیدا نه کړ،ترڅو خلک د نظامي او ملکي افرادو ترمنځ توپير وکړای شي.