نجات وايي،ډېری موسسو ژمنه کړې،چې پکتیا کې به پر بې وزله کورنیو نورې بشري مرستې هم وویشي.
نجات زیاتوي:« له تحول وروسته د بېلابېلو موسسو له خوا زموږ د ریاست له لوري تر ۷۰ زرو کورنیو بشري مرستې ویشل شوي دي او ګڼو نورو موسیسو هم د مرستو د ویش ډاډ راکړی دی.»
د یو شمیر بې وزله کورنیو غړي بیا وايي،بشري مرستې یې درد نه شي دوا کولی او د اوږد مهاله کار لپاره دې د بیا رغونې پر پروژو کار پیل شي.
د پکتیا یو تن اوسېدونکی وايي:«پر دېمرسته یو بوجۍ اوړه هم نه کیږي، بیا هم الله مهربانه دی اوس دومره ګوزاره کېږي.»
د پکیتا یو بل اوسېدونکی بیا وايي:« مرسته راته ورسیده،خوارانو غریبانو ته ټولو ته ورسیدې،که په روژه کې یې بیا مرسته راسره وکړه،ګوزاره به وشي که نه په دغه څلورو زرو خو مو ګوازه نه کیږي.»
