کندهار کې د پاکستاني طالبانو يو مهم غړی وژل شوی

کندهار کې یوه امنیتي سرچېنه وايي، د حکيم سندهي په نوم د پاکستاني طالبانو یو غړی تېر ماخوستن مهال د کندهار ښار د دویمې ناحيې اړوند جامع عمر په سيمه کې د ناپېژاندو وسله والو بريد کې وژل شوی.

اخوا د کندهار د امنیې قوماندانۍ وياند اصف حکيمي وايي، دوی په دې اړه پلټنې کوي.

حکیم سندهي، چي د سند ایالت اصلي اوسېدونکي وو، مخکې د لشکري جهنګوي غړی وو، خو وروسته له پاکستاني طالبانو یا ټي.ټي.پي سره ملګری شو.

هغه دا مهال کندهار کې د يوناني درملو د پلور دوکان درلود.

تر اوسه پورې هيڅ ډلې د هغه د وژنې مسووليت پر  غاړه نه دی اخېستی.