د پاکستان لومړي وزیر عمران خان په اسلاماباد کې د اسلامي همکاریو د سازمان ۴۸ مې ناستې پر لومړۍ ورځ د خپلو خبرو پر مهال وویل، که ا.ا پر رسمیت ونه پېژندل شي، نو افغانان به له سخت بشري ناورین سره مخ شي
خان وايي، له تېرو ۴۰ کالو راهیسې افغانانو داسې ستونزې ګالي،چې د نړۍ هېڅ قوم نه دي تجربه کړي او افغانان نه غواړي،چې نور خلک پرې خپله خبره تحمیل کړي.
نوموړي پر نړیوالو غږ وکړ،چې د اسلامي امارت پر حکومت دې بندیزونه لرې کړي او په رسمیت دې وپېژني، چې په وینا یې په دې سره به افغانستان باثباته شي.
د پاکستان لومړی وزیر وایي، ټول باید له افغانانو سره چې دا مهال د فقر تر کرښې لاندې ژوند کوي،مرسته وکړي،چې له دې سیمې نړیواله ترهګري بنده شي.
په اسلاماباد کې د اسلامي همکاریو د سازمان یا او.آی.سي د بهرنیو چارو وزیرانو دا ناسته د پاکستان په کوربهتوب پرون پیل شوې او نن هم دوام کوي.
