کورنیو چارو وزارت وایي، په هېواد کې د نشهيي توکو د کاروبار او کرکيلې صفر ته رسولوهڅې دوام لري.
د دې وزارت چارواکو په خبره، تېرو څو لسیزو نشهیي توکو کاروبار او کرکیلې يو شمېر ځوانان، ښځې او ماشومان له ژوند ایستلي وو.
د کورنیو چارو وزارت د نشهیي توکو پر وړاندې مبارزې معینیت ملکي مرستیال عبدالرحمن قاسمي وايي: « د نشه يي توکو چې کوم فزیکي، روغتیايي، اخلاقي او ټولنیز ضررونه دي، په هغو ټول پوهېږي؛ خو مهمه خبره دا ده چې نشه يي توکي د انسان عمر کوي. د دې برخې څېړونکي وايي، نشه يي توکي د انساني ژوند لپاره له کیمیاوي وسلو هم ډېر خطرناک دي.»
د نشهیي توکو په برخه کې د کورنيو چارو وزاررت د همغږۍ ریيس شمسالله رشاد وايي: « اسلامي امارت له ټولو خلکو او په ځانګړې توګه علمای کرامو، متنفذینو، قومي مشرانو، د ګذر وکیلانو او هر وګړي غوښتنه کوي چې په نشه يي توکو روږدو کسانو لاسنیوی وکړي، د نشه يي توکو په اضرارو یې خبر کړی او له دې بدبختۍ څخه یې وژغورئ.»
د کورنیو چارو وزارت چارواکي دغه راز خبرداری ورکوي چې هغه کسان به د قانون منګولو ته وسپاري چې د نشهیي توکو په قاچاق کې لاس لري.
