د سیاسي چارو کارپوه سید بلال فاطمي وايي:« اوس اسلامي امارت په ډېروهېوادونو کې خپل ډیپلوماتان ګومارلي.د بیلګې په ډول ایران، پاکستان،دوحه چین او ان روسیه کې هم خپل یو استازی یې ګومارلی دی. د دې مانا داده،چې په دویمه سطحه له اسلامي امارت سره اړیکې قابل دپزیرش دي.»
له افغانستان سره د نړۍ په اوسني دیپلوماتیک چلن نیوکې دادي،چې د نړۍ اوسنۍ سیاسي اړیکې له افغانستان سره د ټولو ډیپلوماتیکو اصولو او نرمونو خلاف دي او باید بدلون ورکړي .
د سیاسي چارو کارپوهان وايي، نړۍ داحق نه لري،هغه کسان په سفارتونو کې وساتي،چې ځانونه د افغانستان اوسني حکومت استازي نه بولي او د داسې یوه حکومت استازیتوب کې کوي،چې اوس له منځه تللی دی.
د سیاسي چارو کارپوه سید بلال فاطمي وايي:« په سیاسي اړیکو کې،چې کوم چلن د نړۍ له لوري افغانستان سره کېږي، دا اصلآ له ډيپلوماتیکو اصلو او نرمونو خلاف ورزي ده، چې دوي یې کوي،ځکه دوي دا حق نه لري،هغه کسان په سفارتونو کې وساتي،چې د مرکزي حکومت نماینده ګي نه کوي. دوی د پخواني حکومت هغه چې نور په افغانستان کې نشته دی، استازي دي.»
له تېرو اووه میاشتو راپدېخوا له اوسني افغانستان سره چې اسلامي امارت پرې واکمني لري، یو شمېر هېوادونو له کابل سره سیاسي اړیکې پرې کړي،خو ګڼو هېوادونو او اروپايي ټولنې بیا په کابل کې خپل سفارتونه بیرته پرانیستې دي.
