ګراندي: افغانستان کې له داخلي بې ځایه شویو سره مرستو ته دوام ورکوو 

د ملګرو ملتونو کډوالو چارو کمېشنر فلیپو ګرانډي د یکشنبې پر ورځ د « ۱۴۰۰ کال د کب پر ۲۳ مه»  له یوه پلاوي سره کابل ته راغلی دی.

ګراڼدي وایي، افغانستان ته یې د سفر موخه د بشري وضعیت څېړل او د افغان کډوالو ستونزو ته د حل لارو د موندلو لپاره له اوسنیو چارواکو سره خبرې دي.

ګرانډي ویلي، له هغو کسانو سره،چې هېواد یې پرېښی او یا هم په هېواد کې دننه بې ځایه شوي، خپلو مرستو ته دوام ورکوي.

ګرانډي دغه راز د اوکراین د کډوالۍ ناورین ته په اشارې ویلي، دغه ناورین باید د افغانستان د ناورین د څنډې ته کېدو لامل نه شي.