په کابل کې نن د پاسپورټونو وېش لړۍ بیا پيل کېږي 

د پاسپورت عمومي ریاست  د یکشنبې پر ورځ د « ۱۴۰۰ کال د کب پر ۲۲» اعلان وکړ، چې د دوشنبې پر ورځ کابل کې د پاسپورټونو د ویش بهیر بیا پیل کېږي.

یاد ریاست وایي،په کابل کې به هره ورځ شااوخوا  ۳۰۰ پاسپورټونه ویشل کېږي.

د پاسپورټ ریاست په خبره،  په ولایتونو کې د پاسپورټ د ویش بهیر د نوي کال د رارسېدو له امله ځنډېدلی دی.

په کابل کې د پاسپورټونو د ویش بهیر په داسې حال کې بیا پیل کېږي، چې وړاندې یاد ریاست د ځینو ستونزو له امله د پاسپورټونو د ویش بهیر ځنډولی و.