یونېسف: یمن کې د جګړې له امله تېرو دوو میاشتو کې لسګونه ماشومانو ته مرګ ژوبله اوښتې

د ملګرو ملتونو ماشومانو ملاتړ صندوق یا یونیسف ویلي، د یمن جګړو له امله د روان ۲۰۲۲ کال د  جنورۍ و فیبرورۍ میاشتو کې لږ تر لږه ۴۷ ماشومان یا وژل شوي او یا معیوب شوي دي.

یونیسف ویلي،په روانه جګړه کې تر ټول ډېر زیانمن شوي قشر ماشومان دي.

د یونېسف  تازه شمېرې ښیي،چې هلته د روانې جګړې له پیل راهیسې تر دې دمه لس ۱۰ او ۲۰۰ ماشومانو ته مرګ ژوبله اوښتې ده. 

یونېسف وایي،دا شمېرې ښایي له دې هم پورته وي،ځکه دوی ټول قربانیان نه دي ثبت کړي.

یمن کې روانه جګړه د ۲۰۱۵ کال راهیسې د سعودي عربستان پر مشرۍ پوځي ایتلاف او حوثي وسله والو ترمنځ روانه ده.