د کډوالۍ نړیوال سازمان:افغانستان کې نژدې ۶ میلیون کسان بې ځایه شوي

د ملګرو ملتونو کډوالۍ نړیوال سازمان په  افغانستان کې د داخلي بې ځایه شوو کسانو د شمېر زیاتوالي په اړه خبر ورکړی او ویلي دي، اوس مهال په دغه هېواد کې د داخلي بې ځایه شویو کسانو شمېر نږدې شپږ میلیونه  کسانو ته رسیږي.

یاد سازمان په خپل راپور کې ویلي،  د دوی وروستۍ څيړنې ښيي، اوس مهال پنځه میلیونه  ۸۳۲زره ۴۵۴ کسان په ټول افغانستان کې بې ځایه شوي دي.

د کډوالۍ نړیوال سازمان ویلي،له په ۲۰۱۶ او ۲۰۱۸ کلونو کې په افغانستان کې د داخلي بې ځایه شویو کسانو شمېر په بې ساري توګه لوړ شوی دی او همدارنګه ۲۰۲۱ میلادي کال هم د تاوتریخوالي له امله د داخلي بې ځایه شویو کسانو لپاره له ستونزمنو کلونو  وو.