هلمند کې چاودنې ۷ کسان ټپیان کړي

د هلمند  ولایت اطلاعاتو او کلتور مرستیال مولوي محمد قاسم ریاض ویلي، د مارجې والسوالۍ  په دښت  سیمه کې د هاوان مرمۍ چاودنې له امله د یوې کورنۍ اوه غړي ټپیان شوي دي.

 ریاض ویلي، دا پېښه پرون  مازدیګر مهال شوې. 

هغه زیاته کړې، په ټپيانو کې د یوې کورنۍ مور، پلار او اولادونه شامل دي، چې اوس مهال روغتون کې تر درملنې لاندې دي.

له جګړو پاتې ناچاوده مرمۍ د ځمکنیو ماینونو په څیر وخت ناوخت عامو خلکو او په تیره ماشومانو ته مرګ ژوبله اړوي.