د افغانستان اسلامي امارت کانونو او پترولیم وزارت سرپرست شهاب الدین دلاور وايي، افغانستان د ټاپي پروژې اجرا ته بشپړ تیار دی او د دې پروژې په برخه کې هېڅ ستونزه نه شته دی.
دلاور وايي، هڅه وکړي،چې ژر پر دې پروژې کار پیل شی.
دلاور دا هم و یلي، اوس امنیتي ستونزې نه شته دی او د ټاپي پروژې ټولې شاملې خواوې په دې اړه ډاډه دي.
د کانونو او پټرولیم سرپرست وزیر دا څرګندونې داسې مهال کوي،چې څو ورځې وړاندې پاکستاني رسنیو خبر ورکړ،چې اسیا پراختیايي بانک په ټاپي پروژه کې له پانګونې پر شاه شوی دی.
ټاپي یا د ګازو نل لیکې پروژه،چې د ترکمنستان، افغانستان، پاکستان او هند ګډه اقتصادي پروژه ده،پر مټ یې ترکمنستان د افغانستان له لارې پاکستان او هند ته د کال تر ۳ اعشاریه ۲ میلیارده مکعب فوټه ګاز لیږدوي.
په دې پروژه کې به نه یوازې افغانستان ته صفر اعشاریه پنځه میلیارد مکعب فوټه ګاز ورکول کیږي، بلکې زرګونو افغانانو ته به د کار زمینه هم برابره شي.
