Skip to content
ملګرو ملتونو د مارچ اتمې د ښځو یووالي نړیوالې ورځې په مناسبت خپره کړې خبرپاڼه کې د افغان ښځو وضعیت په اړه اندېښه ښودلې ده.
خبرپاڼه کې ویل شوي،چي د افغانستان د ښځو او نجونو ترڅنګ ولاړ دي او ملاتړ یې کوي.
د افغانستان لپاره د ملګرو ملتونو عمومي منشي ځانګړې استازې دیبورا لاینز ویلي، افغان ښځي د جنیستي تبعیض او له ګڼو نورو ستونزو سره مخ دي او ټينګار یې کړی دی، چې دغه قشر باید خپلو حقونو ته لاسرسی ولري.
لاینز زیاته کړې:« هغه څه چې نن یې موږ په افغانستان کې وینو،د بشري ناورین لوړه کچه ده. په دې هېواد کې هر قشر له اوسني بحران اغیزمن شوی دی،خو د ښځو او نجونو وضیعت په ځانګړې توګه د اندیښنې وړ دی او فرصتونو او خپلو حقونو ته د دوی لاسرسی په زیاتیدونکې توګه ننګول شوی دی.»
لاینز ویلي،د عامه ژوند په ټولو برخو کې د افغان ښځو او نجونو بشپړ مساوي ګډون د افغانستان د راتلونکي لپاره ګټور دی.
هغې ویلي، په ازاده توګه د ښځو ګرځیدو راګرځيدو کار په عامه ژوند کې له ګډون او زدکړو محرمول په لویه کچه د افغانستان اقتصادي ودې مخه نیسي.
لاینز زیاتوي:« افغان ښځو له موږ سره په خبرو کي د نجونو د زده کړو پر اهمیت، همدارنګه د لوړو زده کړو او کارموندولو لپاره د راتلونکو فرصتونو پر اړتیا خبرې کړي دي. د ژوند په ټولو برخو کې ښځو او نجونو لپاره د فرصتونو برابرولو لپاره تر هرڅه ډېره اړتیا ده»
د افغانستان لپاره د ملګرو ملتونو د سرمنشي ځانګړې استازې د یبورالاینز ویلي، افغان ښځو ته د هېواد په جوړولو کې ونډه ورکړل شي او ترڅنګ یې ملګري ملتونه د افغان ښځو او نجونو حقونو ساتنې او ودې ته ژمن دي.
