د طبیعي پېښو له امله روان ژمي کې ۸۵ کسان مړه شوي 

د طبیعي پېښو په چارو کې د دولت وزارت  وايي، روان ژمی سخت و او د هېواد بېلا بېلو ولایتونو کې یې خلکو ته د سر او مال زیانونه اړولي دي.

 د یاد وزارت په خبره، د ژمي له پیله بیا تر دې دمه شااوخوا ۸۵  کسان مړه او ۷۵ نور ټپیان شوي دي. 

د ملګرو ملتونو د بشري مرستو د همغږۍ ادارې یا اوچا بیا ویلي،روان کال ۱۵ ولایتونو کې تر ۵۳ زرو زیات کسان د زلزلې، توپانونو، ورښتونو،ځمکې ښوئیدنې او سیلابونو له امله زیانمن شوي  دي.