Skip to content
د پکتیا امنیه قوماندانۍ کې د شنبې پر ورځ د « ۱۴۰۰ کال د کب پر ۱۴ مه» د مخابرې له لنډمهال زدوه کړو د ۲۰ کسانو فراغت په اړه جوړو شویو مراسمو کې امینه قوماندان محمد عمر مخلص له فارغ شویو کسانو وغوښتل،چې دندې په پوره صداقت ترسره کړي.
د مخلص په خبره،چې له شته امکاناتو په ګټه اخیستنې د پولیسو د مسلکي کیدو هڅې کوي.
هغه زیاته کړه:« که د چا د نظامي وسایطو د چلولو وړتیا وي ، که د چا د مخابرې د استعمال وړتیا وي ، که د چا د ټانګ د چلولو وړتیا وي او که د چا د ټوپک ګرځولو وړتیا وي او د وطن خدمت کوي، دا ټول ثواب لري.»
د مخابرې له لنډ مهاله زده کړو فارغ شوي افسران بیا د زده کړو بهیر خورا ګټور بولي او راتلونکي کې د ورته کورسونو د جوړیدو غوښتنه کوي .
له لنډ مهاله زده کړو فارغ یو افسر وايي:« زمونږ غوښتنه دا ده ، چې ورته کورسونه دې نور هم زیات شي ، تر څو مسلکي شو او دندې په ښه ډول ترسره کړو دې کورس کې مو ډیر څه زده کړل.»
له لنډ مهاله زده کړو فارغ یو بل افسر وايي:« زموږ او ستاسو مسوولیت دی،څه مو چې زده کړل باید د دندو پر مهال ترې ګټه واخلو.»
د پکتیا امنیه قوماندانۍ د امنیت امر کرامت الله وایي، هېڅ ډول امنیتي ګواښونه نه شته دی،خو د عامه نظم ساتلو لپاره اړتیا ده،چې یو شمیر ولسوالیو کې پوستې جوړې شي.
کرامت الله زیاتوي:« هغه څه چې اړین دي،هغه ته موږ متوجه کیږي، کومه ویره نه شته دی او نه هم ګواښونه شته دی،خو پلان مو دا دی،چې په یو شمیر ولسوالیو کې پوستې جوړې کړو.»
پکتیا امنیه قوماندان له اړوند ځواکونو،چې د پولیسو چوکاټ کې دندې ترسره کوي، د دندو پر مهال له خلکو سره د ښه چلن سپارښتنه کوي او وایي، له هغو کسانو سره به قانوني چلن کېږي،چې له خلکو سره یې چلن ناسم وي.
