په پکتیا کې د بېلابېلو جرمونو په تور درې کسان نیول شوي 

د پکتیا امنیه قوماندانۍ مطبوعاتي دفتر وایي، پرون  امنیتي ځواکونو دری کسان چې د قتل، غلا او انسان تښتونې په جرمونو تورن ول، په  زرمت ولسوالۍ کې له درېیو چانټو، خنجر او پوځي کالیو سره نیولي دي.

خبرپاڼه  زیاتوي،د تورنو له ډلې یو یې د شواک ولسوالۍ او دوه د پکتیکا اوسېدونکي دي،چې په لومړنیو څیړنو کې یې پر خپلو جرمونو اعتراف کړی او دوسیې به یې له بشپړیدو وروسته عدلیي او قضایي ارګانونو ته واستول شي.