پکتیا: پټان ولسوالۍ کې چاودنې ۲۲ کسانو ته مرګ ژوبله اړولې

د پکتیا ولایت اطلاعاتو کلتور مشر خالقیار احمدزی وایي،د پټان ولسوالۍ خروټو څېړۍ کڅ جومات مخې ته د جمعې له لمانځه وروسته چاودنه شوې،چې له امله یې دوه لمونځ کوونکي وژل شوي او ۲۰ نور ټپیان دي.

احمدزی وايي، د چاودنې د نوعیت او د پیښې څرنګوالي په اړه کشفي ادارو څیړنې پیل کړي دي.

عیني شاهدان بیا د ټپیان شمیر ۳۵ بولي او وایي، له لمانځه وروسته چې له جوماته راووتل،چې چاودنه پرې شوه .

د څمکنیو ولسوالۍ روغتون مشر رحیم الله امین وایي، د پیښې له ځایه ۲۱ ټپیان ور وړل شوي،چې د پنځو روغتیایي وضعیت د اندیښنې وړ دی او د ښې درملنې په موخه  مرکز ګردیز ته لیږل شوي دي.