Xد افغانستان کډوالو او بېرته راستېندونکو چارو وزارت د سه شنبې پر ورځ د « ۱۴۰۰ کال د کب پر ۱۰ مه» د تېرو شپږو میاشتو لاسته راوړنې، ستونزې او راتلوونکي پلانونه له رسنیو سره شریک کړل.
د یاد وزارت مرستیال محمد ارسلاح خروټی وايي،د تېرو څو لسیزو جګړو له امله په میلیونه افغانان بهرنیو هېوادونو ته کډوال شوي،چې له ډلې یې ۳ میلیونه پاکستان،۳ میلیونه ایران او یو میلیون بیا د نړۍ بېلابېلو
خروټي زیاته کړه:« د اسلامي امارت له واک ته رسېدو وروسته، د رسمي شمېرو پر اساس ۵۵۰ زره خلک،ډېری یې له ایران، پاکستان او یو شمېر نورو هېوادونو بېرته هېواد ته راستانه شوي دي. د یادونې وړ ده،چې په
پاکستان کې نږدې ۳ میلیونه، همدارنګه په ایران کې هم ۳ میلیونه او یو میلیون افغانان د نړۍ په نورو هېوادونو کې میشت دي. په ټوله کې ۷ میلیونه افغانان په بهر کې د کډوالۍ شپې او ورځې تېروي. »
خروټی وايي، پر کور دننه هم شااوخوا درې میلیونه بې ځایه شوي شتون لري،چې له ډلې یې تر اوسه پورې ۲۵۰ زره کسان خپلو اصلي سیمو او کورونو ته لېږدول شوي دي.
د خروټي په خبره، د بې ځایه شویو د بېرته ستنېدو لړۍ لاهم روانه ده او تر دې مهاله یې ۳ میلیونه بې ځایه شویو او اړمنو کورنیو سره مرستې هم شوي دي.
هغه زیاته کړه:« په ټول هېواد کې نږدې ۳ میلیونه کورني بې ځایه شوي کسان شتون لري. تر اوسه پورې له دغې ډلې له ۲۵۰ زره کسان خپلو سېمو ته بېرته ستانه شوي دي او ترانسپورټ په شمول ورسره اړینې مرستې شوي دي. د پاتې نورو د لېږد پروسه روانه ده.»
د کډوالو او بېرته راستنېدونکو چارو وزارت وايي، د کډوالو د ستونزو حل په موخه، به په پاکستان او ایران کې د دغو هېوادونو له چارواکو او یو.این.ایچ.سي.آر سازمان له استازو سره درې اخېزه ناسته وکړي او له هغې
وروسته به د ایران، پاکستان او یو.این.ایچ.سي.آر استازو سره، په کابل کې یوه څلور اړخیزه غونډه جوړه کړي، تر څو پر کور دننه او ګاونډيو هېوادونو کې د افغان کډوالو ستونزې حل کړي.
