د مدافع وکیلانو  خپلواکې ټولنې غړي: عدلیې وزارت تر اوسه د فعالیت جواز نه دی راکړی

د افغانستان د مدافع وکیلانو خپلواکې ټولنې غړي وایي، د عدلیي وزارت تر اوسه پورې  دوی ته د فعالیت جواز نه دی ورکړی او په خبره یې بې برخلیکه پاتې دي.

 دوی وايي، له اسلامي امارته غواړي،چې ستونزې ژر حل کړي او دوی ته دې د فعالیت جوازونه ورکړل شي.

دغه وکیلان وايي، د ډېری همکارانو برخلیک یې نه دی مالوم او ځینې خو یې ان خپل مسلک هم پرېښی دی.

دوی غواړي،چې عدلیي وزارت پر دوی فشار را نه وړي او له دې وزارت سره د مدافع وکیلانو ټولنې د یوځای کېدو له امله دې د دوی خپلواکي تر پوښتنې لاندې نه راولي.

عدلیي وزارت تر اوسه پورې بیا  د مدافع وکیلانو د غوښتنو په تړاو څه نه دي ویلي.