Skip to content
د ملګر ملتونو عمومي منشي انټونیو ګوتریش وايي، له افغانستان سربېره په ځینو هېوادونو کې د بشر حقونو وضعیت د اندېښنې وړ دی.
ګوتریش وایي، د اسلامي امارت حکومت باید بشري حقونو ته درناوی وکړي او نړیوال بشري قوانین دې عملي کړي.
نوموړي زیاتوي، بشر حقونه باید له پامه ونه غورځول شي او د افغانستان په ګډون د نړۍ ځينو نورو هېوادونو ته په کار ده،چې د خپلو وګړو حقونو ته درناوی وکړي او په دې سره د نړیوالو قوانینو عملي کولو ته لار برابره کړي.
ملګرو ملتونو تر دې وړاندې هم په افغانستان کې د بشري حقونو د رعایت کولو غوښتنه کړې ده، خو افغان حکومت وايي، دوی د خپلو وګړو حقونو ته درناوی لري.
