د احصایې او مالوماتو ملي اداره: هره ورځ نږدې ۱۸  زره کسانو ته برېښنايي پېژندپاڼې ورکول کېږي

 د افغانستان احصایې او مالوماتو ملي ادار وايي، په کابل او ټولو ولایتونو کې  د برېښنايي پېژندپاڼو د ویشلو بهیر په عادي ډول روان دی او هره ورځ د ۱۶ او ۱۸ زرو ترمنځ کسان نوې  برېښنايي پېژندپاڼې اخلي.

 یاده اداره وايي،  اوس مهال په افغانستان کې له اوو میلیونو زیات کسان  پېژندپاڼې لري.

د دغې ادارې د مالوماتو له مخې په تېرو شپږ میاشتو کې یې له یو میلیون څخه زیاتو کسانو ته نوې الکټرونیکي تذکرې ورکړي دي.