Skip to content
د ملګرو ملتونو خوړو نړیوال پروګرام وايي،په افغانستان کې لوږه په ډېرېدو ده او اړتیا ده،چې هېوادونه له افغانستان سره مرستې وکړي.
یاد پروګرام وايي،دوی په افغانستان کې پر زرګونه کسانو د خوراکي توکو وېش پیل کړی او په دې برخه کې ورسره بېلابېلو هېوادونو مرستې کړي دي.
د یاد پروګرام په خبره، د هند مرسته شوي غنم یې ترلاسه کړي او له دغه هېواده مننه کړې،چې په دې سختو شرایطو کې یې د افغانانو لاسنیوی کړی او د لا نورو مرستو غوښتنه یې کړې ده.
د خوړو نړیوال پروګرام همدا راز وایي، د مالیزیا په څېر ځينو نورو هېوادونو هم ورسره د غوړیو او وریجو مرسته کړې او دوی به یې پر اړمنو خلکو وویشي.
