Skip to content
د زابل ولایت د کډوالو چارو ریاست مشر حمد الله صمیم وايي، په دغه ولایت کې له تېرو شااوخوا اوه میاشتو راهېسې له ۷ زرو اړمنو، جګړه ځپلو او بې ځایه شویو کورنیو سره مرستې شوي دي.
صمیم وايي، یادې مرستې د بېلابېلو خیریه او مرستندویه موسساتو له لوري راجلب شوي،چې په کې د خوراکي توکو تر څنګ، نغدې پیسې او ژمني توکي هم شامل دي.
صمیم زیاتوي:« د اسلامي امارت په راتګ سره له تېرو شپږو میاشتو راهیسې له نژدې اووه زره کورنیو سره مرستې شوي دي،چې په دغو مرستو کې خوراکي، توکي، ژمني توکوي او نغدي پیسې شاملې وې.»
په همدې حال کې د زابل ولایت جګړه ځپلي او اړمنې کورنۍ له ورسره شویو مرستو مننه کوي،خو وايي، مرستې دې زیاتې او دوامداره شي.
د زابل ولایت یو تن اړمن کس وايي:« موږ له اسلامي امارته ډېر خوښ یو،چې مرستې یې راسره کړي، خو د نورو مرستو غوښتنه هم کوو. له موږ سره دې زیاتې مرستې وشي.»
د زابل ولایت چارواکي پر داسې مهال د تېرو شپږو میاشتو پر مهال له اړمنیو کورنیو سره د مرستې مالومات شریک کوي،چې څه موده وړاندې د اسلامي امارت د رئیس الوزرا مرستیال مولوي عبدالسلام حنفي له نړيوالو مرستندویه ډل د لنډ مهاله مرستو پر ځای د اساسي او اوږدمهاله مرستو غوښتنه کړې وه.
