اخوندزاده زیاتوي:« موږ ته وظیفه راکړل شوې،چې د دوی لپاره ښځینه استادانې وګومارو. ډېر کم خالي بستونه لرو،چې اعلان ته سپارل شوي او لومړیتوب هم ښځینه وو ته ورکول کېږي.»
پکتیا والي محمد علي جان احمد د ستونزو د هواري برخه کې د هر راز همکارۍ ډاډ ورکوي او استادانو او محصلانو غواړي،چې له شته امکاناتو دې په سم ډول ګټه پورته کړي.
احمد زیاتوي:« په دې مکلف یو،چې ستاسو ستونزو ته حل لارې پیدا کړو. له ښوونکو ، محصلینو او له ادارې کارکوونکو مو غوښتنه دا ده،چې له شته امکاناتو په سم ډول ګټه پورته کړئ.»
زده کړیالان له اسلامي امارته غواړي،چې پکتیا پوهنتون کې دې د بیارغونې هغه پروژې بشپړې کړي،چې د مخکیني حکومت پر مهال یې چارې پیل شوي دي.
