Skip to content
د افغانستان اسلامي امارت ویاند د اطلاعاتو او کلتور وزارت مرستیال ذبیح الله مجاهد وايي، په کابل او څيرمه ولایتونو کې د اسلامي امارت ځواکونو چاڼیز عملیات پیل کړي دي.
مجاهد پر خپله ټویټر پاڼه لیکلي، دا عملیات د دفاع او کورنیو چارو وزارتونو او استخباراتو لوی ریاست له لورې پيل شوي دي.
د دغو عملیاتو مشري د دفاع وزارت مرستیال ملا محمد فاضل مظلوم کوي.
مجاهد لیکلي، له دغو عملیاتو موخه د غلو، انسان تښتوونکو او نورو مجرمینو نیول او له منځه وړل دي.
اعلامیه کې بیا پر خلکو غږ شوی دی،چې د مالوماتو په شریک کولو کې له افغان سرتیرو سره مرسته وکړي.
له کابل پرته د هغو ولایتونو نومونه تر اوسه نه دي،ډاګیز شوي،چې اسلامي امارت هلته د عملیاتو لپاره تکل کړی دی.
دا واک ته له رسیدو وروسته د اسلامي امارت له لورې کابل او ولایتونو کې د چاڼیزو عملیاتو د پيل لومړی ځل دی.
