لاینز: تېرو شپږو میاشتو کې مو له افغانستان سره ۲ میلیارده ډالره مرسته کړې

د افغانستان لپاره د ملګرو ملتونو ځانګړې استازې دیبورا لاینز په خپلو تازه څرګندونو کې ویلي،دوی له افغانستان سره بشري مرستو ته ژمن دي او په تېرو څو میاشتو کې یې له افغانستان سره د دوو میلیاردو ډالرو په ارزښت مرسته کړې ده.

لاینز د مرکزي بانک له مشر سره په لیدنه کې ویلي، په افغانستان کې د اقتصادي ودې لپاره هڅه کوي او غواړي د افغانانو د لاسنیوي لپاره لا ډېرې مرستې راجلب کړي.

نوموړې وایي، تر ټولو مهم هدف یې دا دی،چې لومړی د افغانستان بانکي سیستم بېرته فعال شي او مرستندویه بنسټونه وکړی شي،چې له افغانانو سره خپلې مرستې وکړي.