د پوهنتون استادان وایي، د امریکا متحده ایالتو له لوري د هغه هېواد پیسې ګنګل شوي او د خپلو سیاسي اهدافو لپاره یې مصرفوي،کوم چې له لوږې سره مخ دی او ماشومان پلوري.
د پکتیا پوهنتون استاد عبدالرحمان مبشر وايي:« دا پیسې پر هغه خلکو پورې اړوند دي، چې له لوږې سره مخ دي او د یوې ډوډۍ لپاره خپل ماشومان او د بدن غړي پلوري.»
استادان وایي، دغه پیسې د افغانۍ پشتبانې او د صنعت پیاوړتیا لپاره نړیوال بانک کې ایښودل شوي او امریکا متحده ایالت یې په هېڅ ډول د مصرف قانوني صلاحیت نه لري.
د پکتیا پوهنتون د اقتصاد پوهنځي استاد دولت خان جوهر وايي:«دا پیسې نړیوال بانک کې د افغانۍ د پشتبانې او د صنعت د پیاوړتیا لپاره ایښودل شوي او د ګنګل دوام به د افغانیو پر ارزښت اغیز ولري او د امریکا متحده ایالت یې په حقوقي لحاظ د مصرف حق نه لري.»
