Skip to content
د پاکستان ملي امنیت شورا سلاکار معید یوسف د مونیخ امنیتي کنفرانس کې د خبرو پر مهال ویلي،لویدیځ دې د افغانستان په اړه یوه عملي تګلاره غوره کړي.
یوسف زیاته کړې، لویدیځ او په ځانګړې توګه امریکا دې د اسلامي امارت په خاطر میلیونونه افغانانو ته سزا نه ورکوي او باید د افغانستان لپاره یوه عملي تګلاره پر مخ یوسي.
د یوسف پر وینا، په افغانستان کې تر ۳۵ میلیونه ډېر وګړي په ډېر بد اقتصادي وضعیت کې ژوند کوي او امریکا نباید د یو شمېر خلکو په خاطر ټولو افغانانو ته سزا ورکړي.
د امریکا متحده ایالتو ولسمشر جوبایډن په دې وروستیو کې د افغانستان د شتمنۍ ۳.۵ میلیارده ډالر د سپټمبر پېښې قربانیانو باندې د وېشلو لپاره ځانګړي کړي، چې پر کور دننه او بهر یې پراخ غبرګونونه راپارولي دي.
