روسیه: د اسلامي امارت پر رسمیت پېژندلو لپاره کوم پلان نه لرو 

د‌ روسیې د بهرنیو چارو وزارت مرستیال میخایل بوګدانوف د منځني ختیځ په یوه څېړنیز مرکز کې د  وینا پر مهال  ویلي،چې د اسلامي امارت د حکومت د رسميت پېژندلو لپاره کوم پلان نه لري.

بوګدانوف زیاته کړې،چې هېواد یې په افغانستان داسې یو ټول شموله حکومت غواړي،چې ټول سیاسي قوتونه او مذهبي اقلیتونه په کې شامل وي.

د نوموړی په خبره، تر هغې چې اسلامي امارت د همداسې يوې فضاء په رامنځته کولو اقدام ونه کړي، دوی یې د رسميت پېژندلو په اړه نه غږیږي.