وېسټ: له اسلامي  امارت سره ډیپلوماسي د ټولو پر ګټه ده

د افغانستان لپاره د امریکا متحده ایالتو بهرنیو چارو وزارت ځانګړي استازي توماس وېسټ ویلي له اسلامي امارت سره ډیپلوماسي د ټولو پر ګټه ده او د افغانستان د روانو ستونزو حل یوازینۍ لاره همدا ده.

ویسټ زیاته کړې،د نجونو د زده‌کړو په برخه کې پرمختګ شوی، خو په خبره یې  د ټول ‌ګډونه حکومت د جوړولو په اړه  تر اوسه پورې پرمختګ نه شته دی. 

توماس وېسټ، د ناروې د بهرنیو چارو وزیر، د پاکستان د ملي امنیت سلاکار او یو شمېر نورو چارواکو او مدني فعالانو سره د  مونیخ د امنیتي غونډې په څنډه کې د افغانستان پر وضعیت خبرې کړې دي.