ایران له اسلامي امارته غوښتنه کړې چې د هلمند سيند اوبه ور خوشې کړي

د ایران انرژۍ وزیر علي اکبر مهربانيان له  امارت غوښتي دي، چېحق آبې تړون دې عملي کړي او د هلمند سيند اوبه دې دغه هېواد ته ورخوشې کړي.

هغه ویلي، اسلامي امارت ورسره له تېرو څو مياشتو راهيسې په خبرو کې د دغه تړون د عملي کیدو ژمنې کړي، خو تر اوسه پورې يې نه دي عملي کړي.

نوموړي پر افغان حکومت غږ  کړی، چې ژر تر ژره دې ورسره د اوبو د خوشې کیدو په اړه خپلې ژمنې عملي کړي.

اسلامي امارت د ايران د تازه غوښتنې په اړه تر اوسه څه نه دي ويلي، خو مخکې ېې د پخواني تړون د عملي کیدو ژمنه کړې وه.