د کډوالو اداره: افغانستان کې داخلي بې ځایه شوي له سختو ستونزو سره مخ دي

د ملګرو ملتونو  د کډوالو اداره وايي،په افغانستان کې شااوخوا ۳،۵ میلیونه کسان پر کوردننه بېځایه شوي،چې له سختو ستونزو سره مخ دي. 

یاده اداره وايي، ډېری دغه وګړي د جګړو له امله بې ځایه شوي وو، چې اوس د جګړو له ختمېدو وروسته لا هم خپلو سیمو ته نه دي ستانه شوي.

د کډوالۍ  نړیوالې ادارې د راپور پر بنسټ یوازې  تېر کال د جګړو له امله شااوخوا  نیم میلیون کسان په افغانستان کې بې ځایه شوي ول.

ملګرو ملتونو په وار وار په افغانستان کې له کورنیو بې ځایه شوو سره د مرستو غوښتنه کړې ده.