ملګرو ملتونو او ایران د افغانستان په اړه خبرې کړي 

د ایران د بهرنیو چارو وزیر امیر عبداللهیان د ملګرو ملتونو له عمومي منشي انتونیو ګوتریش سره په افغانستان کې پر روان وضعیت او نورو اړوند مسایلو خبرې کړې دي.

عبداللهیان لیدنه کې له  ګوتریش غوښتي دي،چې له افغانستانه د کډوالو د څپې په مخنیوي کې ورسره مرسته وکړي او په دې تړاو یې اندېښنه ښودلې ده. 

دوی همدا راز افغانستان ته د بشري مرستو د رسولو او د یوه ټولشموله حکومت پر جوړېدو هم ټینګار کړی دی. 

ملګري ملتونه وایي اړتیا ده،چې له افغانستان سره بشري مرستې ډېرې شي، د نشه يي توکو د کاروبار مخنیوی وشي او له دغه هېواده د کډوالۍ کچه راټيټه شي.