Skip to content
د افغانستان ټولگټو چارو وزارت ويلي، مسوولینو یې د اوکراین ریل پټلۍ د خصوصي شرکتونو له تخنیکي ټيم سره پرون کتلي او په وینا یې یادو شرکتونو د ریل پټلۍ د جوړلو په برخه کې پانګونې ته چمتوالی ښودلی دی.
په لیدنه کې دواړو لوریو، له حيرتان بندر څخه د سوداګریزو توکو په لېږد او د ریل پټلۍ ادارې د مسلکي انجنيرانو د ظرفيت لوړولو، د حيرتان _ مزار شریف مسیر څار او ساتنې، د ورکشاپونو جوړولو او د ريل د ماشین رغولو او نورو د ريل پټلۍ اړوند چارو د همکاريو په اړه هم خبرې کړي دي.
د ټولګټو چارو وزارت د اوکرایني پانګوالو هرکلی کړی او ورته یې ويلي، چې په سيمه کې د پانګونې او پراختیا لپاره شرایط برابر شوي او د ریل پټلۍ په اړه افغانستان کې بشپړه زمینه برابره ده.
په لیدنه کې اوکرایني هیئت بیا ویلي، دوی هڅه کوي، له افغانستان سره پر ګډه ريل پټلۍ کرښې، لارې، بندرونو او د بندرونو رغولو د تاسیساتو او تجهیزاتو برابرولو کې یو له بل سره نظرونه او وړاندیزونو تبادله کړي.
