Skip to content
د امریکا متحده ایالتو د کانګرس ۸۲ غړو ولسمشر جوبایډن ته یو لیک استولی او په کې یې غوښتنه کړې،چې له افغانستانه دې د تخلیې پروسه چټکه شي.
جوبایډن ته په استول شوي لیک کې اندېښنه ښودل شوې،چې د اسلامي امارت له واکمن کېدو سره په افغانستان کې د اقتصادي او امنیتي ستونزو له امله هغه کسان په سخت وضعیت کې ژوند کوي،چې په تېرو شلو کلونو کې یې په بېلابېلو برخو کې له امریکا سره مرسته کړې ده .
له جوبایډن غوښتنه شوې،چې د ویزو تر وړکړې دې امریکا په درېیمو هېوادونو کې هغه پوځي مرکزونو ته پراختیا ورکړي،چې افغانان په کې ساتل کېږي.
اخوا د امریکا متحده ایالتو د بهرنیو چارو وزارت بیا ویلي، دوی تر اوسه توانېدلي،چې له ستونزو سره سره زیات شمېر افغانان امریکا ته انتقال کړي.
د کانګرس دا ۸۲ غړي داسې مهال ولسمشر جوبایډن ته لیک استوي،چې د ملګرو ملتونو په ګډون ډېری نړیوالو بنسټونو په افغانستان کې د بشري ناورین د رامنځته کېدو خبرداری ورکړی دی.
