فایق: د مخکېني حکومت چارواکو غیر قانوني شتمنۍ باید کنګل شي

په ملګرو ملتونو کې د افغانستان دایمي استازي سرپرست نصیر احمد فایق  ویلي، د ملګرو ملتونو له امنیت شورا یې غوښتي،چې د مخکېني افغان حکومت د یو شمېر چارواکو غیر قانوني شتمنۍ او پیسې، بانکي حسابونه ضبط او کنګل کړي.

فایق ویلي، دا پیسې له افغانانو سره د نړیوالې ټولنې د مرستو پیسې وې،چې هغوی شخصي جیبونو کې اچولې دي.

په ورته وخت کې فایق له امنیت شورا غوښتي،چې د افغانستان په اړه یو نړیوال کنفرانس جوړ کړي،چې د افغانانو ترمنځ خبرو ته زمینه برابره شي.